 |
| sumber: youtube |
Perkara bergosip pasal RA enggau Meldelyne Mel tu udah lama, sekalika nya ba cyber tauka tusi ari mulut ke mulut. gambar di atas serta di baruh tu antara perkara nyata gosip pasal RA enggau Meldelyne Mel. kesemua gambar nya print screen RA ari youtube....kitak tau click ba gambarnya ngambika kita meda nama utai ditulis bala org ke nadai betanggungjawab tu....
 |
| sumber: youtube |
Ba blog aku tuk, aku madah ke semua peminat aku / sapa-sapa, iyanya AKU RICKIE ANDREWSON NADAI NAMA - NAMA HUBUNGAN ENGGAU MELDELYNE MEL. Kami semina baka artis bukai semina sama company rakaman aja, nadai lebih ari nya. Aku arap ke semua perkara negative ke dikeluarka barangsapa kita perlu dibuai ari youtube tauka tempat bukai alai kita post komen ke ngaitka aku enggau Meldelyne Mel. atau aku trace sapa kita serta nyaman kita. Enti kita madah ka gosip tu amat, keluarka bukti, ambi gambar aku begulai enggau iya, anang semina nyebut aja tang nadai bukti kukuh. Enda sepatutnya perkara bakatu belaku, Enti nitih ke ati aku enggai pedulika semua gosip tu, tang aku nangi ka lebih besai masalah nyadi, jaku terlalu jai didinga aku serta mega tau ngancam nyawa aku empu, akhirnya aku terpaksa bersuara ga demi maruah aku serta kami sebilik. Aku tauka Meldelyne Mel masing - masing bisi ruang bilik diri empu. Aku arapka semua kita faham serta anang ngaga cerita sebubu ngapa pasal perkara bakatu, ukai semina untuk aku, artis lain mega. aku enda ulih nagang kitak bejaku jai pasal aku tang ang ngelibat ka org bukai dalam perkara bakatu nyangka utai bula dipadah org amai, tau ngasuh ati org bukai ensiban.
Aku minta ampun ngagai semua kita ti nyema jaku aku kasar. ngelamatu aku mina berdiam diri ari semua hal ti udah nyadi.. ku jaku aku enggai ngemesaika masalah, laban sesetengah masalah ukai semua ulih disadung kin kia / tauka dikongsi enggau org luar.. aku enggai jampat nyida pasal gosip laban aku nemu Mulut benda ulih kitai tutup tang mulut mensia enda ulih sempal, tang gosip ke sekali tu ngasuh ati rawan sampai aku digertak / diancam dipadah ngacau bilik ruang orang. perkara bakatu mega ngemaruh ke nama aku. aku terkesima laban enda nemu nama2 dituduh bakanya, Aku enda ulih nanggung penyalah ke ukai digaga aku. amai pan aku berdiam diri, ukai semesti aku ngaga salah. ngelama tu aku enda kesah/ enda ibuhka semua jaku jai orang, udah nyadi lumrah kitai mensia ninga jaku sepiak aja.. siti perkara perlu dikingat.. genap iku kitai mensia enda sebaka runding. bisi nya profesional bisi nya sensitif... bisi ulih nerima pendapat bisi nya ego enda bertempat, bisi nya ulih bai betundi bisi nya enda... ukai semua org ulih faham perkara yang sama. bagi pihak aku nyangka aku ulih nerima gosip ke ditulis, aku ulih meda nya secara professional, laban nya meh consequences ke harus aku terima nyadi public figure, tang pihak bukai bedau tentu ulih sama runding baka aku. Bagi kami ke merindang belagu kin kia, tu pengerindu kami periuk asi kami, so ananglah naburka pasir enggau berita ti enda betul.
Nuju yang berkenaan, aku minta ampun aku dipadah besalah amai pan perkara bakatu ukai salah aku. Ngelamatu aku enda bemunyi, enda ambi peduli pasal gosip serta jaku jai pasal aku, laban aku meda semua gosip tu secara professional. nama pun gosip bedau temu amat ke enda. Sepatutnya kitai nyelidik perkara tu dulu ari pun nentu ka pengamat, ukai mina nunjuk terus/ nuduh ke org bukai. nya bersalah. Cara bakatu tau ngelabuh serta ngemaruh ke nama orang bukai ke enda besalah. Buai meh sikap begedi ke pangan diri, serta begedi ke bansa diri. enti kitai sebansa enda besukung ke pangan diri, sapa ulih nyukung bansa kitai?
Nuju bala peminat ti di kesayau, terima kasih atas sukung padu kita baik ke aku dalam susah tauka senang. aku minta ampun ti bisi salah aku. Aku pen mensia baka kita ke enda lari ari ngaga salah. pengidup kitai baka tayar ti beputar, sekejap di atas sekejap dibaruh, budi basa kitai serta kaul enggau siku-siku mesti jaga.Asuh meh ulut serta ulah kitai, dikawal runding, tang ukai dikawal ati... budi basa dipeda org ukai pengeraja. Enggau pengakuan tu, RA arapka semua tanda tanya pasal RA enggau Meldelyn Mel tu udah selesai serta enda perlu dipebesaika agi, serta arapka mega utai bakatu enda nyadi agi... salam sayau ari RA nuju kita semua.
* kita tau share article aku tu ngambika ulih disebar ngagai pengosip - pengosip tegar ke berkeliaran di luar ..
